e-Tabib mobil tətbiqi vətəndaşlara səhiyyə xidmətləri ilə bağlı informasiyaları əlçatan etmək və icbari tibbi sığorta sisteminin elektronlaşmasına nail olmaqla vətəndaşların məmnuniyyətini qazanmağı hədəfləyir. Bu gün tətbiqində laborator analizlərin nəticələrini onlayn qaydada əldə etmək, tibb müəssisələrinə müraciət tarixçəmizlə tanış olmaq, aldığımız tibbi xidmətin keyfiyyətini qiymətləndirmək, övladlarımızın şəxsi kabinetinə daxil olmaq və digər funksiyalar mövcuddur.