Bütün nominasiyalarda olan təqdim edilmiş namizədlərə baxdım. Düşünürəm ki bu nominasiyada its.gov.az qalib olacaq.

Sayt müasir üslubda peşəkar şəkildə hazırlanıb. Rənglərin seçimi, ikonların dizaynı, bölmələrin yerləşdirilməsi və şəkillərin keyfiyyəti yüksək səviyyədədir. Kontent baxımından da hər şey qaydasındadır, bu isə böyük əmək sərf olunduğunu göstərir. Gələcək fəaliyyətlərinizdə uğurlar arzu edirəm!

Saytın vizual görüntüsü maksimum minimalistdir. İstifadəçi davranışı üçün uyğun həllərə sahibdir. Uğurlar

Saytın minimalist və rəsmi dizaynı dövlət qurumuna uyğun görünür. Xəbərlərin artırılmasına ehtiyac olması ilə bağlı həmkarımla razıyam. Faydalı keçidlər hissəsində standart ölçü tətbiq etmək lazımdır. Bəzi keçidlər yazıya uyğunlaşmaq üçün böyük bəziləri isə kiçik görünür. Ümumi isə yaxşıdır uğurlar

Estetik görünüşlüdür və yoxlanılan bütün linkləri rahat yüklənir.

Əsas səhifədə rəng tonları gözəldir, insanı və gözləri yormur. Haqqımızda bölməsində məlumatlar yaxşıdır lakin fotolar uyğunluq təşkil etmir. Belə ki, həmin fotolar daha çox göstərilən xidmətləri özündə ehtiva edir. Ona görə həmin fotolar başqa bölmədə olsa və həmin səhifədə agentliyin loqosu yer alması daha uyğun olardı. Xidmətlər Zərfi bölməsində ödənişli xidmətlərin qiymətləri sadəcə olaraq rəqəm ilə qeyd olunub. Azərbaycan dilində daxil olan şəslər bilir ki bu AZN ilə qeyd olunub. Lakin ingilis versiyasına daxil olan xarici bunu avro və ya dollar kimi də qəbul edə bilər. Ona görə AZN yazılması da yaxşı olardı. Elanlar bölməsində şəkillərdə İ hərfi itir. Dizayner buna baxsa və posterləri uyğun ölçüdə hazırlasa gözəl görsənər. E-tebib proqramını saytdan yükləmək üçün link də olsaydı daha rahat olar.

Xəbərlər bölməsində xəbərlər artırılsa yaxşı olar, digər hər şey qaydasındadır, Uğurlar!

(UI/UX) Estetik görünüş: Saytın dizaynı minimalist və rəsmi üslubda hazırlanıb, bu da dövlət qurumu üçün uyğun hesab edilə bilər. Lakin bəzi bölmələrdə daha müasir elementlərdən istifadə oluna bilərdi. Naviqasiya: Menyular və bölmələr aydın şəkildə strukturlaşdırılıb. Amma bəzi istifadəçilər üçün bəzi məzmunun tapılması çətinlik yarada bilər. Məzmun: Dövlət qurumu saytı olaraq xəbərlərin və məlumatların daim yenilənməsi vacibdir. Ötən ay ərzində cəmi 8 xəbər əlavə edilib. Saytın digər dillərində keçid etdikdə, xəbərlər və Toxunduğumuz həyatlar bölümləri bütün dillərdə Azərbaycan dilindədir.